منتدى متوسطة الورود-الدارالبيضاء-الجزائر
حللتم اهلا ونزلتم سهلا
منتدى متوسطة الورود-الدارالبيضاء-الجزائر

منتدى تعليمي يهدف إلى بعث رسالة تعليمية معاصرة
 
الرئيسيةالبوابةاليوميةس .و .جبحـثالمجموعاتالتسجيلدخول
بحـث
 
 

نتائج البحث
 
Rechercher بحث متقدم
الساعة
المواضيع الأخيرة
» قصيدتي التي ابكت الاساتذة و ضحكت المدير
السبت يناير 26, 2013 7:15 am من طرف alilicheliza

» ضحايا بلا دماء
الأربعاء يناير 09, 2013 2:12 am من طرف oussama samsoum

» كل تعبيره عن الجمل ههههههههه
الثلاثاء يناير 08, 2013 12:19 pm من طرف oussama samsoum

» موضوع عن الحياة (من الطارق)
السبت ديسمبر 29, 2012 5:40 am من طرف hadjer nini

» عقارب الزمن وزمن العقارب
الجمعة ديسمبر 28, 2012 4:39 am من طرف hadjer nini

» عذرا لم يتم العثور على انسان
الجمعة ديسمبر 28, 2012 4:33 am من طرف hadjer nini

» عجائب الاستغفار سبحان الله
الجمعة ديسمبر 21, 2012 4:28 am من طرف hadjer nini

» عجائب اللغة العربية
الجمعة ديسمبر 21, 2012 4:21 am من طرف hadjer nini

» لاصار زمانك ضدك
الجمعة ديسمبر 21, 2012 4:12 am من طرف hadjer nini

أنت الزائر رقم:

.: عدد زوار المنتدى :.

الشروق"الاولى في المغرب العربي"








شاطر | 
 

 أحلام كل طالب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
rachid.49
التلميذ الناجح
التلميذ الناجح
avatar

عدد المساهمات : 40
تاريخ التسجيل : 12/11/2010
العمر : 22

مُساهمةموضوع: أحلام كل طالب   الخميس فبراير 17, 2011 6:23 am

بسـم الله مــول المـنـة *** والصلاة على صاحب السنـة


محمـد بـذكـرو نتهـنـى *** جابلنـا الرسالـة والـديـن


كنت إنسان عنـدي طمـوح *** الطا ما جيسكـول ومفتـوح


نحب ديمـا نبلـغ الصـروح *** ونـكــون مالـبـارزيـن


وعلـيـه درت فالـخـطـة *** نوّلـي قيـادة كـادر ديطـا


ويــذا ربــي زاد عـطـا *** نترشح رئيـس للجزائرييـن


وجـاو هـذوك الربـع ايّـام *** وخـوكـم زيّــر لـحـزام


بـدلـت كــل السيسـتـام *** ليلـي ونهـاري متماثلـيـن


ظهرت النتيجة وخرج اسمي *** والفرحة دوّات في جسمـس


الـدار ذبحـولـي عجـمـي *** وكانـوا بـيـا فرحانـيـن


وأول شـي فـي عقليـتـي *** شوق كبيـر للونيفارسيتـي


اللي عقبـو عليهـا خاوتـي *** وكانـو منهـا متخرجـيـن


والنهار اللّول نتاع التسجيلات *** الغاشي تقول الأمة كامل جات


والسخانة ترونت سات (37) *** وحنـا فالشمـس مقابلـيـن


خيّرت فرع العلوم السياسيـة *** باش يخدملـي ذيـك الغايـة


اللي ذكرتها قبيـل فالبدايـة *** ياخـي راكـم متفكريـن؟؟؟









بدات الـدروس يـا سيـدي *** وقلت نخرج كل مـا عنـدي


مـن طاقـة لكـن يـا ودّي *** الإمكانـات كانـو غايبيـن


كـي تخـل لـذاك المـدرج *** نص يقرا والباقـي يتفـرج


قلولنا اصبروا راه ربي يفرّج *** والكراسـى يكونـو كافييـن


الشمبرا نتاع زوج فيها ربعة *** والريستو أنتاردي الشبعـة


وكل يوم مظاهرات فالجامعة *** بـالـظـروف مـنـدديـن


ويذا ركبت في ذاك الكـوس *** تقـول كريمينـال محبـوس


عالكـرامـة غـيـر دوس *** ومـا تكـون مالطماعـيـن


وبـــالاك الـغـيـابـات *** خصوصـا فالتيدييـات (td)


وياويح اللي بقاولو لي دات *** يتبعوه حتى عشـر سنيـن









هنـا عـاودت شفـت لحالـي *** وقلـت عـيـش يالـزوالـي


القناعة الكنز اللي مـا يفنالـي *** والشي صعيـب يـا سامعيـن


لكن ماعليـش طريـق المجـد *** أَوْلُـو ديمـا صبـر وجـلـد


مــا نغـتـم مــا نتنـهـد *** نـكــون مالإيجـابـيـيـن


وهـذي سـنـة رب العـبـاد *** ماشـي قـال مولـود حـداد


الدنيا تعب وتضحيـة وجهـاد *** النفس هنا وكاين جهاد ففلسطين


وبالمنـاسـبـة رح نغـتـنـم *** هـاذ الفرصـة بـاش نترحـم


عالشيخ يسين وكل مـن قـدم *** حياتـو فـداء لهـاذ الـديـن


هـذاك هـو خيـر الأمثـلـة *** اللـي تحبسـلـك المخيـلـة


رجـل قعيـد قـاد مرحـلـة *** ديـال الـدفـاع والتمكـيـن


قال مالازمش يتحول المسـار *** إمـا شـهـادة أو انتـصـار


القضية ماهيش في مجرد أشبار *** يقيـسـوهـا الجغرافـيـيـن


القضيـة قضـيـة صـمـود *** فـي وجـه الظلمـة اليهـود


ما رايحينش نغلبوهم إذا الجهود *** تفرقـت وكـنـا متنازعـيـن


وحـنـا يلزمـنـا الـوفــاء *** لـهـاذ الـنـاس الأتـقـيـاء


ورثــــة الأنـبــيــاء *** للهم نـكـونـوا حامـلـيـن









الأم اللـي ترضـع *** الشبل اللـي يطلـع


فـي قلبـة تطـبـع *** أفكار أحمد ياسيـن


التلميذ اللـي يقـرا *** لازم يحقق النصـرة


بالفعل مو بالهـدرة *** لأفكار أحمد ياسيـن


المعلم اللي يـدرّس *** يواصل مـا يحبـس


حتى فالنشء يتنغرس *** أفكار أحمد ياسيـن


الطالـب فالجامعـة *** واجب عليه يسعـى


باش الناس تتوعـى *** بأفكار أحمد ياسيـن


الشاعر اللي يشعـر *** لازم يدفـع ويؤثـر


فالجمهور الحاضـر *** بأفكار أحمد ياسيـن









فالأخيـر كلمـة نقولـهـا *** فلسطيـن ياربـي احفظهـا


برعايتـك وحنـا فـداهـا *** ومانـاش فيهـا مفرطيـن


بصح اسمعوني ياناس لملاح *** اللي خان حي على الفـلاح


يخون حي علـى الكفـاح *** والصـلاة عمـود الـديـن





الرجوع الى أعلى الصفحة اذهب الى الأسفل
أسماء.

avatar

عدد المساهمات : 9
تاريخ التسجيل : 27/04/2012
العمر : 21

الاوسمة
 :  

مُساهمةموضوع: رد: أحلام كل طالب   السبت أبريل 28, 2012 7:20 am

برافوcheers ....برافوcheers ....برافو cheers ...والله غير عندك الحق في كل كلمة قلتهاRazz Razz
الرجوع الى أعلى الصفحة اذهب الى الأسفل
 
أحلام كل طالب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى متوسطة الورود-الدارالبيضاء-الجزائر :: منتدى الشعر-
انتقل الى: